İlk baxışdan göz quruluşunuz sadəcə estetik bir detal kimi görünə bilər, əslində isə insanların sizi necə qəbul etdiyini göstərir.
Manset.az Ölkə.az-a istinadən xəbər verir ki, insanlar bir-birinə baxdıqda qarşısındakı haqqında saniyələr ərzində onda müəyyən fikirlər formalaşır.
İlk təəssüratların ən güclü müəyyən edən amillərdən biri də şübhəsiz ki, gözlərdir. Buna görə də "gözlər qəlbin aynasıdır" deyimi illərdir öz aktuallığını qoruyur.
Son zamanlar, xüsusən də sosial şəbəkələrdə "göz formasına əsaslanan şəxsiyyət" haqqında şərhlər yenidən ortaya çıxıb.
Bir çox istifadəçi sadəcə insanların göz formasına baxaraq onların şəxsiyyətləri haqqında nəticə çıxarır. Bəziləri bu şərhlərdə özlərini gördüklərini deyir, digərləri isə bunu sadəcə əyləncəli bir təhlil hesab edir.
Bəs siz göz formanıza görə necə bir insansınız?
Çəkik gözlər: Ümumiyyətlə, onlar soyuqqanlı və nəzarətli bir təəssürat yaradır. Bu göz formasına sahib insanların duyğularını asanlıqla ortaya qoymadıqları və buna görə də ətrafdakılar tərəfindən sirli kimi qəbul edildiyi deyilir. Məsafəli durmaları isə bəzən onların əlçarmaz olması barədə təəssürat yarada bilər.
Yumru gözlər: Bu gözlər daha isti və səmimi təəssürat yaradır. Bu şəxslərin emosiyalarını gizlətməkdə çətinlik çəkdiyinə və səmimiyyətlərinin birbaşa baxışlarında əks olunduğuna inanılır. Bu, onlar haqqında etibarlı və eyni zamanda daha həssas bir insan profili yaradır.
Düşük qapaqlı gözlər: Bu, daha introvert və düşüncəli bir şəxsiyyətlə əlaqələndirilir. Kənardan yorğun və ya uzaq görünən bu şəxslər əslində duyğularını daxili aləmlərində intensiv şəkildə yaşayan insanlar kimi təsvir olunurlar.
Böyük gözlər: Təsirli və enerjili görünüşlə əlaqələndirilir. Bu göz formasına sahib insanların maraqlı, açıq və ünsiyyətcil olduqları təəssüratı yaratdıqları deyilir. Lakin bu açıqlıq bəzən onların emosional cəhətdən daha tez tükənməsinə səbəb ola bilər.
Kiçik gözlər: Daha analitik və nəzarətli davranışla əlaqələndirilir. Bu şəxslər detallara diqqət yetirən, seçici və etibar məsələsində ehtiyatlı kimi təsvir olunurlar.
Badam gözlər: Tarazlı və ölçülü bir xarakter təssüratı yaradır. Onlar hisslərini hər kəslə bölüşməyən, insanları diqqətlə müşahidə edən və tədricən etibarlı münasibətlər quran biri kimi təsvir olunurlar.
Bu şərhlər elmi testdən daha çox əyləncəli şəxsiyyət təhlili hesab olunsa da, gözlərin insanlara təsiri danılmazdır. Bəlkə də buna görə "insanın gözlərini oxuya bilərsiniz" deyimi hələ də öz təsirini qoruyur.
