Cənubi Koreyada yerləşən texnologiya nəhəngi "Samsung"un Hindistandakı fabrikində çalışan işçilər maaşların aşağı olması səbəbindən etiraz aksiyası keçiriblər.
Manset.az bu barədə xarici mediaya istinadən xəbər verir.
Məlumata görə, işçilər maaş artımı və iş şəraitinin yaxşılaşdırılmasını tələb edərək nümayiş keçiriblər.
Qeyd edək ki, polis icazəsiz toplaşmaq istəyən işçilərin qarşısını alıb və məsələ ilə bağlı 104 nəfər saxlanılıb.
Texnologiya nəhəngi "Samsung" Hindistandan illik 12 milyard dollarlıq gəlir əldə edir və onun təxminən üçdə birini təmin edən istehsal şirkəti işçilərin tətili səbəbilə 7 gündür fəaliyyətini dayandırıb.
