İranın milli müğənnisi Sıamak Shabdel Borhan əri ilə saxta pasportla Almaniyaya qaçmaq istəyərkən İstanbul hava limanında yaxalanıb.
Manset.az-ın xarici mediaya istinadən məlumatına görə, iranlı müğənninin həyat yoldaşı ilə həm Berlin təyyarəsinə, həm də Tehran təyyarəsinə qeydiyyatdan keçdiyi məlum olub.
Hadisə dünən günorta saatlarında İstanbul hava limanında baş verib. Türkiyədə yaşamaq icazəsi olan İran milli müğənnisi Sıamak Shabdel Borhan və həyat yoldaşı Sahar Heidrizad Ghezeljeh qeyri-qanuni yollarla Almaniyaya qaçmaq planı qurublar. Müğənni və həyat yoldaşı səfərdən əvvəl həm Tehranda, həm də Berlində qeydiyyatdan keçiblər. Keçid məntəqəsinə İran pasportu ilə gələn cütlük Tehran təyyarə bileti ilə pasport nəzarətindən keçib. Planlarında heç bir problem olmadığını anlayan cütlük əvvəllər qeydiyyatdan keçdikləri Berlin təyyarəsinin qapısına gediblər. Müğənni və həyat yoldaşı çantalarındakı saxta Kolumbiya və Britaniya pasportlarını buradakı məmurlara göstərib.
İstanbul Hava Limanı Polis İdarəsinə bağlı risk təhlili bölməsinin sənəd yoxlama qrupları İran əsilli müğənnini pasport nəzarəti məntəqəsindən keçdikdən sonra texniki və fiziki olaraq təqib edib və hər iki sərnişin anbaan nəzarətə götürülüb. İranlı cütlüyün Berlin təyyarəsinin darvazasına getdiyi müəyyən edilib. Polis qrupları burada yerüstü xidmət personalı ilə əlaqə saxlayıb və cütlüyün dayandırılmasını istəyib. Pasportları əməkdaşlar tərəfindən müsadirə edilən Sahar Heidrizad Ghezeljeh hadisə yerindən qaçarkən, işçilər iranlı müğənnidən oturma yerində gözləməsini istəyiblər. Qısa müddət sonra iranlı müğənni də olduğu yerdən sürətlə uzaqlaşıb.
Almaniyaya getmək planı iflasa uğrayan Sıamak Shabdel Borhan həyat yoldaşı ilə birlikdə İrana qaçmaq üçün əllərindəki Tehran biletlərini çıxarıb təyyarənin olduğu qapıya tərəf gedib. Burada edilən nəzarətlərdən sonra təyyarəyə minən cütlük polis qrupları tərəfindən İran təyyarəsindən endirilib. İranlı müğənni və həyat yoldaşı saxlanılıb.
Saxta pasportla Almaniyaya qaçmağı planlaşdıran və polis qruplarının diqqəti sayəsində Tehran təyyarəsinə minərkən yaxalanan iranlı müğənni Sıamak Shabdel Borhan ilk ifadəsində daha çox pul qazanmaq üçün Almaniyaya getmək istədiyini bildirib. Pasportları əlindən alınan iranlı cütlük prokurorluğa sövq edilib.
Manşet.az
