İngiltərənin paytaxtı Londonun şimalında yerləşən “Travelodge” hotel şəbəkəsində qalan evsiz ailələr, yerli bələdiyyə rezervasiya müddətini uzatmadığı üçün ayın sonunda keçiriləcək Beyons konsertlərindən əvvəl otaqlarından çıxarılacaq.
Manset.az-ın xarici mediaya istinadən məlumatına görə, dünya şöhrətli müğənni Beyonsun Londonda Renessans dünya turu ilə əlaqədar olaraq 30-a yaxın ailə başqaları tərəfindən otaqları bron edildiyi üçün qaldıqları hoteldən çıxarılacaq.
Beyonsun mayın 29-dan iyunun 4-dək otelin yaxınlığındakı Tottenham Hotspur stadionunda beş gecə konsert verməsi planlaşdırılır.
100-ə yaxın otaq, yəni otelin üçdə ikisi hazırda bələdiyyə tərəfindən bron edilib.
Enfild şurasına evsiz qaldığını bildirən ailələrin və fərdlərin istifadə etdiyi hər otaqda dörd və ya beş nəfər yaşayır.
Manşet.az
