Mingəçevirdə 2 minik avtomobilinin toqquşması nəticəsində 6 nəfər xəsarət alıb.
Manset.az-ın Qafqazinfo-ya istinadən verdiyi məlumata görə, hadisə ötən gecə şəhər ərazisində qeydə alınıb.
Belə ki, “Opel” markalı avtomobil hərəkətdə olarkən minik avtomobili ilə toqquşub. Qəza nəticəsində hər iki avtomobildə olan 6 nəfər müxtəlif dərəcəli bədən xəsarətləri alaraq xəstəxanaya çatdırılıb.
Qəza zamanı yaralananlar - Zəhra Cəlil qızı Cəfərova (1967), Nurlan Çingiz oğlu Fərəcov (1992), Razi Tahir oğlu Qocayev (1985), Ruhan İkram oğlu Cəfərov (1988), Təranə Vəkil qızı Mustafayeva (1966) və Rəvanə Həmid qızı Cəfərova (1989).
Həkimlərin müdaxiləsindən sonra yaralılardan 5 nəfər ambulator müalicəyə buraxılıb. Rəvanə Cəfərovanın vəziyyəti daha ağır olduğundan o, xəstəxananın müvafiq şöbəsinə yerləşdirilib.
Faktla bağlı araşdırma aparılır.
