Zaqatalada yük maşınının vurduğu 66 yaşlı qadın ölüb.
Manset.az Qafqazinfo-ya istinadən xəbər verir ki, hadisə Zaqatala şəhəri ərazisində qeydə alınıb.
Xarici dövlətə məxsus iritonnajlı yük avtomobili Qax rayonu istiqamətində hərəkətdə olarkən yolun hərəkət zolağında olan piyada - Zaqatalanın Faldarlı kənd sakini, 1960-cı il təvəllüdlü Firəngiz Səlim qızı Məmmədovanı vurub.
F.Məmmədova ağır vəziyyətdə Zaqatala Rayon Mərkəzi Xəstəxanasına yerləşdirilsə də, həkimlərin səylərinə baxmayaraq, o, əməliyyatdan bir qədər sonra ölüb.
Faktla bağlı araşdırma aparılır.
