Limon C vitamini və antioksidantlarla zəngindir. Bu maddələr isə orqanizmin sağlam qalmasına kömək edir.
Manset.az Lent.az-a istinadənlimonun gündəlik istehlakının 4 əsas faydasını açıqlayır.
1. Böyrək daşlarının yaranmasının qarşısını alırBöyrək daşları mineral yığıntılarından ibarət sərt kütlələrdir və təxminən insanların 10%-ni əhatə edir. Onlar sidik yollarında yığılır və böyrəklərdə formalaşır. Limonun tərkibindəki limon turşusu sidikdə sitrat miqdarını artırır və onu daha qələvi edir. Bu, kalsium kristallarının böyüyərək daş əmələ gətirməsinin qarşısını alır.
2. Ürək sağlamlığını dəstəkləyirLimon C vitamini və güclü antioksidantlarla zəngindir. Onlar hüceyrələri sərbəst radikallardan qoruyur, aterosklerozun damarlarda xolesterin yığıntılarının qarşısını alır. Bu isə infarkt və insult riskini azaldır.
Limon həm də fenolik birləşmələr ehtiva edir. Bu antioksidantlar qan təzyiqinin, damar elastikliyinin və xolesterinin normal səviyyədə saxlanmasına kömək edir.
2017-ci ildə aparılan araşdırma da göstərib ki, meyvə-tərəvəzin çox istehlakı ürək-damar xəstəlikləri və ümumi ölüm riskini azaldır.
Bir limon gündəlik C vitamini normasının 30%-dən çoxunu təmin edir. Bu vitamin xüsusən taxıl məhsulları və çörək kimi qidalarla qəbul edilən bitki mənşəli dəmirin mənimsənilməsini asanlaşdırır.
Beləliklə, limon dəmir defisitli anemiyanın qarşısının alınmasında mühüm rol oynayır.
4. Hüceyrələrin zədələnməsini azaldırSitrus meyvələri antioksidantlarla zəngindir və bu maddələr hüceyrələrin zədələnməsinin qarşısını alır. Bu, ürək-damar xəstəlikləri, böyrək xəstəlikləri və XOBL kimi xroniki xəstəliklərin riskini azaldır.
Qeyd etmək lazımdır ki, limonu qabığı ilə birlikdə yemək daha faydalıdır. Araşdırmalar göstərib ki, sitrus qabığında şirə və pulpadan daha çox antioksidant var
