Instagram istifadəçilərə alqoritmi öz seçimlərinə uyğunlaşdırmağa imkan verəcək yeni funksiya üzərində işləyir. Bu funksiya əvvəlcə Reels bölməsində yoxlanılacaq və daha sonra Explore tabına genişləndiriləcək.
Manset.az xarici mediaya istinadən xəbər verir ki, Instagram-ın CEO-su Adam Mosseri Threads-də "Alqoritminizi tənzimləyin" adlı yeni funksiyanın sınaqdan keçirildiyini açıqladı. Mosseri bildirib ki, məqsəd istifadəçilərə platformada həqiqətən maraqlandıqları məzmunu göstərməklə daha mənalı təcrübə təmin etməkdir.
Yeni funksiya ilə istifadəçilər proqramın parametrlər menyusunda “Sizin alqoritminiz” başlığı altında maraq dairələrini seçə biləcəklər.
