European Heart Journal-da dərc olunan genişmiqyaslı araşdırma göstərib ki, gündəlik fiziki fəaliyyətin cəmi kiçik bir hissəsinin yüksək intensivlikdə olması belə sağlamlığa ciddi müsbət təsir göstərir.
Manset.az-ın xarici mediaya istinadən məlumatına görə, 470 mindən çox insan üzərində aparılan tədqiqatda müəyyən edilib ki, fəaliyyətinin yalnız 4 faizini intensiv məşqlərə ayıran şəxslər ümumiyyətlə idman etməyənlərə nisbətən daha sağlamdır.
Araşdırmaya görə, yüksək intensivlikli hərəkətlər demans, 2-ci tip diabet və ürək-damar xəstəlikləri daxil olmaqla bir çox xroniki xəstəlik riskini əhəmiyyətli dərəcədə azaldır.
Mütəxəssislər bildirir ki, yüksək intensivlik “nitq testi” ilə müəyyən edilə bilər: əgər fəaliyyət zamanı yalnız qısa sözlər deyə bilirsinizsə, bu artıq yüksək temp hesab olunur. Qaçış, sürətli yerimə və pilləkənləri tez qalxmaq buna nümunədir.
Qeyd olunur ki, bu faydalardan yararlanmaq üçün peşəkar idmançı olmaq lazım deyil – gündəlik həyatda qısa müddətli intensiv hərəkətlər belə kifayət edir.
