Yuxu rejimi ilə bağlı yeni araşdırma diqqət çəkən nəticələr önə çıxarıb.
Manset.az Milli.az-a istinadən xəbər verir ki, həm yuxusuzluq, həm də normadan artıq yatmaq sağlamlıq üçün risk yarada bilər.
Mütəxəssislərin təhlilinə görə, gündə 7-8 saatlıq yuxu demensiya riskinin ən aşağı olduğu optimal aralıqdır. Bu normadan az yatmaq riski təxminən 18%, çox yatmaq isə 28% artırır.
Araşdırmalarda həmçinin həyat tərzinin digər amilləri də nəzərə alınıb. Məlum olub ki, uzun müddət oturaq qalmaq və fiziki aktivliyin az olması da demensiya ehtimalını yüksəldir. Gündə 8 saatdan çox oturan və həftədə 150 dəqiqədən az hərəkət edən şəxslərdə risk daha yüksək qeydə alınıb.
