"WhatsApp" istifadəçilərə hesabları olmayan şəxslərlə də söhbət etməyə imkan verən yeni funksiyanı təqdim etməyə başlayıb.
Manset.az xarici mediaya istinadən xəbər verir ki, "Qonaq Çatları" adı verilən bu xüsusiyyət, istifadəçilərə heç bir qeydiyyat etmədən dəvət linki vasitəsilə təhlükəsiz və təkbətək mətn söhbətləri aparmağa imkan verir.
Yeni funksiyanın tətbiqi ilə "WhatsApp" istifadəçiləri qonaq olaraq dəvət etmək istədikləri şəxslər üçün xüsusi linklər yarada biləcəklər. Bu linklər, SMS, e-poçt və ya digər mesajlaşma kanalları vasitəsilə göndərilə bilər.
Qonaq olaraq söhbətə qoşulmaq istəyən şəxs, sadəcə olaraq göndərilən linki tıkladıqdan sonra öz brauzeri vasitəsilə təhlükəsiz söhbət pəncərəsinə daxil ola bilər. Proqramın quraşdırılması və ya qeydiyyatdan keçmək tələb olunmur.
Bu yeni funksiya, istifadəçilərə daha geniş əlaqə qurma imkanı təqdim edərək, "WhatsApp"ın istifadəsini daha da rahatlaşdıracaq.
