Dünyaca məşhur muzeydə skandal - Yüzlərlə əsər zədələndi

Fransanın dünyaca məşhur Luvr Muzeyində baş verən su sızması nəticəsində Misir antik əsərləri bölməsindəki təxminən 400 nadir kitab zərər görüb. Fransanın paytaxtı Parisdə yerləşən Luvr Muzeyi, milyonlarla dollarlıq oğurluq hadisəsindən sonra bu dəfə də baxımsızlıq səbəbindən gündəmə gəlib. Muzeyin köhnəlmiş borularında yaranan su sızması nəticəsində Misir antik əsərləri bölməsindəki təxminən 400 nadir kitab zədələnib.


Manset.az xarici mediaya istinadən xəbər verir ki, Luvr Muzeyinin Baş Direktoru Francis Steinbock, su sızmasının Misir antik əsərləri bölməsindəki kitabxanada yerləşən üç otaqdan birini təsir etdiyini bildirib. O, bu otaqda 300 ilə 400 əsərin olduğunu və yoxlamaların davam etdiyini qeyd edib. Steinbock, sızmadan zərər görən kitabların qiymətli əsərlər olmadığını vurğulayıb.

Steinbock, su təchizatı sistemindəki problemlərin uzun illərdir məlum olduğunu etiraf edərək, baxım və təmir işlərinin 2026-cı ilin sentyabrında həyata keçirilməsinin planlaşdırıldığını bildirib.