“Hava müdafiə sistemləri, Hərbi Hava Qüvvələri, Hərbi Dəniz Qüvvələri və rəhbərlikləri məhv edildi. Danışmaq istədilər. Mən isə ‘çox gecdir’ dedim.”
Manset.az xəbər verir ki, bu barədə ABŞ Prezidenti Donald Tramp İrana qarşı hücumlarla bağlı danışarkən qeyd edib. Al Jazeera-nin yaydığı məlumata görə, Donald Tramp İranın bölgədəki hərbi potensialının və rəhbər heyətinin ciddi şəkildə zəiflədildiyini iddia edib. Tramp, Tehran rəhbərliyinin yalnız ağır zərbələr aldıqdan sonra diplomatik təmas qurmağa çalışdığını irəli sürüb.
İran tərəfindən gələn görüş tələbinə mənfi cavab verdiyini bildirən Tramp, mövcud vəziyyətdən sonra geri dönüşün mümkün olmadığını vurğulayıb.
