Ukraynanın Dnepropetrovsk vilayətində bir şəxs hüquq-mühafizə orqanlarının əməkdaşlarını əl qumbarası ilə hədəfə alıb.
Manset.az xarici mediaya istinadən xəbər verir ki, qəza nəticəsində 5 polis əməkdaşının yaralandığı bildirilir.
Dnepropetrovsk vilayət polisi sosial şəbəkə hesabında yaydığı məlumatda qeyd edib ki, bölgənin Mıkolayivka kəndində bir şəxsin qeyri-adekvat davranışları ilə bağlı anonim məlumat daxil olub.
Açıqlamada hadisə yerinə polis əməkdaşlarının göndərildiyi vurğulanır. Bildirilir ki, daxil olan məlumatda həmin şəxsin güclü spirtli içki təsiri altında olduğu və üzərində iki ədəd əl qumbarası daşıdığı qeyd edilib.
