Baş infeksionist məktəbli valideynlərinə səsləndi

“İl yarımdan çoxdur ki, pandemiya şəraitində yaşayırıq və tədrisin aparılması ilə bağlı Nazirlər Kabinetinin xüsusi təlimatı var. Bu məsələlər ona görədir ki, tədrisin açılması insan təmaslarının artmasına gətirib çıxarır və belə olan hallarda yoluxma sayları arta bilər”.

Manset.az Ölkə.az-a istinadən xəbər verir ki, bunu Səhiyyə Nazirliyinin baş infeksionisti Təyyar Eyvazov deyib. O bildirib ki, bunların baş verməməsi üçün həmin tədbirlər göstərişlərdə qeyd olunub:

“Təbii ki, valideynlər uşaqlarla izahedici söhbətlər aparmalıdır. Valideyn özü də bu işdə aktiv iştirak etməlidir. Hər gün səhər və ya axşam soruşmaq lazımdır ki, onda başağırısı, burun axması və s. əlamətlər varsmı. Bunu vaxtında aşkar etmək lazımdır. Xəstə uşaqları və xəstəlik əlamətləri olan uşaqları məktəbə buraxmaq olmaz. Birinci nğövbədə bu valideynin məsuliyyətidir. Belə hallar dərs vaxtı aşkarlanarsa, məktəb personalının bunun qarşısını necə almaq və yaxud yoluxmanı minimuma endirmək üçün bütün tədbirlər nəzərdə tutulub”.