Bu gün Buxarestdə ATƏT Parlament Assambleyasının (PA) qısa müddətli müşahidə missiyasının proqramına uyğun olaraq, Rumıniyada mayın 18-də keçiriləcək prezident seçkilərinin ikinci turu ilə bağlı bir sıra vacib görüşlər keçirilib.
Manset.az xəbər verir ki, görüşlərdə ATƏT-in Demokratiya və İnsan Hüquqları Bürosunun (ODIHR) müşahidə missiyasının və Rumıniya Mərkəzi Seçki Komissiyasının rəhbərliyi, eləcə də prezidentliyə namizədlərin nümayəndələri iştirak ediblər.
Tərəflər arasında keçirilən müzakirələr zamanı seçki kampaniyasının gedişi, seçici siyahılarının dəqiqliyi, 18 mayda keçiriləcək səsvermə prosesi və səslərin hesablanması ilə bağlı prosedurlar ətrafında geniş fikir mübadiləsi aparılıb.
