1997-ci il avqustun 1-i. Üzərində Azərbaycan bayrağı olan Prezident korteji Ağ evin qarşısında dayanır. Həmin gün müstəqil Azərbaycan üçün əlamətdar bir hadisə yaşanır.
Manset.az AZTV-yə istinadən xatırladır ki, dünyanın aparıcı güc dövlətlərindən olan Amerika Birləşmiş Ştatlarının prezidenti ilə Azərbaycan prezidentinin ilk tarixi görüşü baş tutur. Ulu öndər Heydər Əliyev Ağ evin xatirə kitabına ürək sözlərini yazır.
Azərbaycan xalqı adından Amerika xalqını salamlayan Prezident daha sonra ABŞ rəhbəri ilə səmimi şəkildə görüşür və prezidentlər arasında rəsmi salamlaşma mərasimi keçirilir.
