Müğənni Mehin Hümbətovanın ölkədən çıxışına məhdudiyyət qoyulub.
Manset.az xəbər verir ki, bu barədə sənətçi sosial şəbəkə hesabında paylaşım edib. O, artıq iki aydır ölkədən kənara çıxa bilmədiyini bildirib.
Mehinin sözlərinə görə, bu səbəbdən yay istirahətini də planlaşdırdığı kimi keçirə bilmir.
"2 aydır ölkədən çıxa bilmirəm. "Stop"um var. Buna görə heç yerə gedə bilmirəm. Az qalıb, aradan qalxacaq və ölkədən çıxa biləcəyəm", – deyə müğənni qeyd edib.
Sənətçi əlavə edib ki, ölkədən çıxışına qoyulan məhdudiyyətin səbəbini məsələ tam həll olunduqdan sonra ictimaiyyətə açıqlayacaq.
