Bu yaxınlarda bir Tesla işçisinin San Xosedəki bir şirniyyat sexindən 4 min mini piroq sifarişindən imtina etməsindən sonra əsəbləşən şirniyyat ustası sosial mediada paylaşım edərək qurban olduğunu izah etmişdi.
Manset.az-ın xarici mediaya istinadən məlumatına görə, tez bir zamanda trend mövzusuna çevrilən hadisədən sonra Tesla və X (əvvəllər Twitter kimi tanınan) sahibi İlon Mask işə qarışıb.
Mask, şirniyyat sexinə "işləri düzəldəcəyinə" söz verib.
Ləğv edilən sifarişlə bağlı X-də açıqlama verən Mask, "Bunu yeni eşitdim, sex ilə işləri düzəldəcəyəm" deyib.
Daha sonra sexinin sahibi mətbuatla əlaqə saxlayıb, “Tesla bir az əvvəl 2 min dollar ödədi” deyib.
Əfsanə Rəcəb
Manşet.az
