Məşhur aparıcılar prokurorluğa ÇAĞIRILDI - Sosial verilişlərin fəaliyyəti...

15:11 - 12 Mart 2024

Məşhur aparıcılar prokurorluğa ÇAĞIRILDI - Sosial verilişlərin fəaliyyəti...

Xəbər verdiyimiz kimi,  ATV, XƏZƏR, ARB və SPACE telekanallarının rəhbərləri Prezident Administrasiyasına dəvət olunublar. 

Onların iştirakı ilə keçirilən iclasda kanallarda yayımlanan bir sıra şou və sosial verilişlərdəki biabırçı vəziyyətlə bağlı ciddi iradlar səsləndirilib. 

Telekanalların rəhbərlərinin nəzərinə çatdırılıb ki, qısa zamanda bu biabırçılığa son qoyulmayacağı təqdirdə, qanuna uyğun şəkildə sanksiyalar tətbiq olunacaq. 

Manset.az xəbər verir ki. Yenisabah.az bununla bağlı məlumatlar əldə edib.

Sözügedən TV-lərdən birinin məsul əməkdaşı saytımıza açıqlamasında deyib ki, məsələyə artıq hüquq-mühafizə orqanları da müdaxilə edib. Onun sözlərinə görə, cəmiyyətin narazılıq etdiyi populyar sosial verilişlərin fəaliyyəti prokurorluq orqanları tərəfindən araşdırılır. Bu məqsədlə bəzi aparıcılar prokurorluğa dəvət olunub və onlardan izahat alınıb. 

Mənbə deyib ki, prokurorluq ilk növbədə verilişlərdə yığılan pulun məbləğini və əldə olunan vəsaitin hansı təyinat üzrə xərcləndiyini araşdırır.


Xəbər xətti

16 Aprel 2024

Ən son xəbərləri səhifəmizdən də izləyin