İki nəhəng klub liqadan qovula bilər

08:23 - 21 Mart 2024

İki nəhəng klub liqadan qovula bilər

"Çelsi" və "Mançester Siti" Premyer Liqadan uzaqlaşdırılmaq təhlükəsi ilə üzləşib. 



Manset.az Bizim.Mediaya istinadən xəbər verir ki, bu barədə İngiltərənin “The Sun” qəzeti xəbər yayıb. 

Belə bir qərar onların maliyyə “fair-play” qaydalarını pozması sübuta yetiriləcəyi halda tətbiq oluna bilər. 

Mənbənin sözlərinə görə, müstəqil komissiya 2024-cü ilin payızında "Çelsi"nin işini araşdırmağa başlayacaq. Hələlik kluba qarşı ittiham irəli sürülməyib. Lakin ötən yay Roman Abramoviçin rəhbərliyi dövründə törədilən maliyyə pozuntuları aşkarlanıb. Məlum olub ki, bu zaman agentlərə ödənişlər klub tərəfindən qeydiyyata alınmayan hesablardan edilib.
“Mançester Siti”yə gəlincə, hələ 2023-cü ilin fevralında kluba maliyyə “fair-play” qaydalarını pozmaqla bağlı 115 ittiham irəli sürülüb.

Mümkün qanun pozuntularının miqyasının genişliyi səbəbindən adıçəkilən klublar Premyer Liqadan kənarlaşdırılma kimi ağır sanksiyaya məruz qala bilərlər.

Xatırladaq ki, daha əvvəl Premyer Liqanın maliyyə qaydalarını pozduğuna görə “Nottingem Forest”in 4 xalının silinəcəyi barədə məlumat yayılıb.


Xəbər xətti

21 Aprel 2024

Ən son xəbərləri səhifəmizdən də izləyin