Dünyanın ən varlı adamı yenidən odur

17:15 - 25 Mart 2024

Dünyanın ən varlı adamı yenidən odur

ABŞ-li milyarder, “Tesla” və “X” şirkətlərinin sahibi İlon Mask yenidən planetin ən varlı adamı olub.

 

Manset.az “Qafqazinfo”ya istinadən xəbər verir ki, onun adı Çinin “Hurun” biznes nəşrinin dərc etdiyi reytinq cədvəlində yer alıb.

Nəşrin məlumatına görə, 2023-cü ildə Maskın sərvəti 47% artaraq 235 milyard dollara çatıb.

Qlobal reytinqdə ikinci yerdə 187 milyard dollar kapitalla “Amazon”un yaradıcısı Ceff Bezos qərarlaşıb. Üçüncü yerdə sərvəti 177 milyard dollar dəyərində qiymətləndirilən “Louis Vuitton Moet Hennessy” holdinqinin sahibi fransız iş adamı Bernard Arnaultdur.

Çinin ən varlı adamı “Nongfu” içməli su şirkətinin yaradıcısı Zhong Shanshandır. Onun kapitalı 450 milyard yuan (62 milyard dollar) təşkil edir ki, bu da ona qlobal siyahıda 21-ci yeri tutmağa imkan verir.

“Huru”nun hesablamalarına görə, ən çox zəngin insan Çində (814), ABŞ-də (800) və Hindistanda (271) yaşayır.

Qeyd edək ki, İlon Mask ötən il də bu siyahıda ilk yerdə olub.


Xəbər xətti

23 Aprel 2024

Ən son xəbərləri səhifəmizdən də izləyin