Rusiya Makrona cavab verdi

14:15 - 3 May 2024

Rusiya Makrona cavab verdi

“Fransa Prezidenti Emmanuel Makronun Ukraynaya hansı hallarda qoşun göndərilə biləcəyi ilə bağlı açıqlaması çox təhlükəli tendensiyanın davamıdır”.

 

Manset.az “İnterfaks”a istinadən xəbər verir ki, bunu Kremlin rəsmi sözçüsü Dmitri Peskov deyib. 

“Bu açıqlama çox vacib və təhlükəlidir. Fransa ölkənin dövlət başçısı simasında daim Ukrayna ətrafındakı münaqişədə “yerdə” birbaşa iştirakının mümkünlüyündən bəhs etməyə davam edir. Bu, çox təhlükəli tendensiyadır. Biz bunu diqqətlə izləyirik və xüsusi hərbi əməliyyatı qarşıya qoyulan məqsədlərə nail olunana qədər davam etdirəcəyik”, - deyə Peskov qeyd edib. 

Xatırladaq ki, E.Makron “The Economist”ə müsahibəsində hansı hallarda Kiyevə qoşun göndərilə biləcəyindən danışıb. Onun sözlərinə görə, bunun baş verməsi üçün əvvəlcə cəbhə dağılmalı və qoşunların göndərilməsi ilə bağlı müraciət məhz Kiyevin özündən gəlməlidir.


Xəbər xətti

22 May 2024

Ən son xəbərləri səhifəmizdən də izləyin