Bu yol təmirə bağlanır

16:28 - 8 May 2024

Bu yol təmirə bağlanır

10 may saat 08:00-dan 13 may saat 22:00-dək Bakı şəhəri, Nərimanov rayonu, Əhməd Rəcəbli küçəsində (Ziya Bünyadov prospektindən Akademik Həsən Əliyev küçəsinədək, “N.Nərimanov” metro stansiyası istiqamətində) nəqliyyat vasitələrinin hərəkəti məhdudlaşdırılacaq.

 

Bu barədə Manset.az-a Azərbaycan Avtomobil Yolları Dövlət Agentliyindən (AAYDA) məlumat verilib.

Bildirilib ki, bu, aparılacaq əsaslı təmir işləri ilə əlaqədardır:

“Sürücülərdən qeyd olunan müddət ərzində sözügedən hissədə hərəkətdə olarkən diqqətli olmaları, yol hərəkəti qaydalarına riayət etmələri və ərazidə quraşdırılmış müvəqqəti yol nişanlarının tələblərinə uyğun avtonəqliyyat vasitələrini idarə etmələri xahiş olunur”.


Xəbər xətti

18 May 2024

Ən son xəbərləri səhifəmizdən də izləyin