Azərbaycan Premyer Liqasında sonuncu tur

09:27 - 25 May 2024

Azərbaycan Premyer Liqasında sonuncu tur

Bu gün futbol üzrə Azərbaycan Premyer Liqasında sonuncu - XXXVI tura start veriləcək.

 

Manset.az xəbər verir ki, hər üç qarşılaşma eyni saatda başlayacaq.

Matçlar avrokuboklara vəsiqə baxımından əhəmiyyətli olacaq. Bundan əlavə, çempionatda gümüş və bürünc mükafatçı da müəyyənləşəcək.

"Zirə" "Səbail"i, "Neftçi" "Sabah"ı, "Sumqayıt" "Qəbələ"ni qəbul edəcək.

Hazırda "Neftçi" 56 xalla ikinci pillədə qərarlaşıb. 55 xala malik olan "Zirə" və "Sabah" 3-4-cü sıraları bölüşdürürlər. "Sumqayıt" isə 54 xalla beşincidir. "Səbail" 42 xalla yeddinci, "Qəbələ" 26 xalla sonuncu-onuncu yerdədir.

25 may (şənbə)

19:00. “Zirə” – “Səbail”

Hakimlər: İnqilab Məmmədov, Namiq Hüseynov, Rahil Ramazanov, Əli Əliyev

Hakim-inspektor: Ömər Paşayev

AFFA nümayəndəsi: Anar Şixəliyev

Zirə İdman Kompleksinin stadionu

19:00. “Neftçi” – “Sabah”

Hakimlər: Əliyar Ağayev, Zeynal Zeynalov, Akif Əmirəli, Rəvan Həmzəzadə

Hakim-inspektor: Vüsal Əliyev

AFFA nümayəndəsi: Azər Əsgərov

“Neftçi Arena”

19:00. “Sumqayıt” – “Qəbələ”

Hakimlər: Tural Qurbanov, Elşad Abdullayev, Pərvin Talıbov, Fərid Hacıyev

Hakim-inspektor: Rəhim Həsənov

AFFA nümayəndəsi: Seymur Səlimli

M.Hüseynzadə adına Sumqayıt şəhər stadionu

Qeyd edək ki, tura sabah keçiriləcək "Turan Tovuz" - "Kəpəz" və “Araz-Naxçıvan”– “Qarabağ” oyunları ilə yekun vurulacaq.


Xəbər xətti

25 İyun 2024

Ən son xəbərləri səhifəmizdən də izləyin