Bakının bu küçəsinin bir hissəsində aparılan təmir yekunlaşıb - VİDEO

15:55 - 4 İyun 2024

Bakının bu küçəsinin bir hissəsində aparılan təmir yekunlaşıb - VİDEO

Azərbaycan Avtomobil Yolları Dövlət Agentliyi Bakının Nərimanov rayonunun Əhməd Rəcəbli küçəsinin Ziya Bünyadov prospekti ilə Akademik Həsən Əliyev küçəsi arasında yerləşən 910 metr uzunluğa malik olan hissəsində apardığı təmir işlərini yekunlaşdııb.

 

Manset.az bu barədə agentliyə istinadən xəbər verir.

Məlumata görə, təmir işləri zamanı köhnə asfalt-beton örtüyünün üst qatının frezlənərək kənara daşınması, vətəndaşların rahat və təhlükəsiz hərəkətini təmin etmək məqsədilə zəruri yerlərdə piyada səkilərinin, həmçinin yol ayrıcının bərpası, yeni səki daşlarının düzülməsi işləri icra olunub.

Daha sonra küçənin sözügedən hissəsinə yeni asfalt-beton örtüyü döşənib, avtonəqliyyat vasitələrinin normal hərəkətinin təmin edilməsi üçün üfüqi nişanlanma xətlərinin çəkilişi işlərinin aparılması, zəruri yerlərdə yol nişanlarının quraşdırılması və yeraltı kommunikasiya xətlərinin baxış qapaqlarının layihə hündürlüyünə qaldırılması işləri icra olunmaqla küçə müasir görkəmdə vətəndaşların istifadəsinə verilib.


Xəbər xətti

13 İyun 2024

Ən son xəbərləri səhifəmizdən də izləyin