Kürdə batan kişinin meyiti tapıldı

13:22 - 6 İyun 2024

Kürdə batan kişinin meyiti tapıldı

Kür çayının Şirvan şəhəri, Hacıqəhrəmanlı qəsəbəsi ərazisindən keçən hissəsində 3 gün əvvəl batan şəxsin meyiti tapılıb.

 

Manset.az xəbər verir ki, bu barədə Fövqəladə Hallar Nazirliyi (FHN) məlumat yayıb.

Bildirilib ki, iyunun 3-də “112” qaynar telefon xəttinə Kür çayının Şirvan şəhəri ərazisindən keçən hissəsində bir nəfər vətəndaşın çimərkən suda batması barədə məlumat daxil olub.

Həyata keçirilmiş intensiv axtarış tədbirləri nəticəsində iyunun 6-da Şirvan şəhəri, Hacıqəhrəmanlı qəsəbə sakini, 1952-ci il təvəllüdlü Piriyev Əli Məstan oğlunun cəsədi Kür çayının Salyan rayonu, Yuxarı Noxudlu kəndinin ərazisindən keçən hissəsində tapılaraq aidiyyəti üzrə təhvil verilib.


Xəbər xətti

18 İyun 2024

Ən son xəbərləri səhifəmizdən də izləyin