"Belarus Azərbaycanın azad edilmiş ərazilərinin bərpasında məmnuniyyətlə iştirak edəcək" Lukaşenko

13:37 - 11 İyun 2024

"Belarus Respublikası Azərbaycanın işğaldan azad edilmiş ərazilərinin dirçəldilməsi prosesində iştirak edəcək".

 

Manset.az xəbər verir ki, bunu Belarus Prezidenti Aleksandr Lukaşenko Azərbaycan Milli Məclisinin sədri Sahibə Qafarova ilə görüşdə deyib.

Dövlət başçısı qeyd edib ki, bu yaxınlarda Azərbaycana, xüsusən də işğaldan azad edilmiş ərazilərə Prezident İlham Əliyev ilə birgə səfərini xoş təəssüratla xatırlayır.

"Şuşada ona dedim: Siz cənnətdə yaşayırsınız. Mən heç yerdə belə gözəlliklə rastlaşmamışam. Əminəm ki, siz bu ərazilərdə həyatı bərpa etməklə daha bir uğura imza atacaqsınız. İstiqamətləri müəyyən etdiyimiz bu işlərdə məmnuniyyətlə iştirak edəcəyik. Heç bir maneə yoxdur", - o bildirib.


Xəbər xətti

16 İyun 2024

Ən son xəbərləri səhifəmizdən də izləyin