Əhmədin işini bu hakim araşdıracaq - FOTO

18:36 - 12 İyun 2024

Əhmədin işini bu hakim araşdıracaq - FOTO

Xəbər verdiyimiz kimi, ikisi uşaq olmaqla beş ailə üzvünü qətlə yetirməkdə ittiham olunan Əhməd Əhmədovun cinayət işi üzrə ibtidai istintaq tamamlanıb. İş üzrə toplanmış materiallar baxılması üçün Bakı Ağır Cinayətlər Məhkəməsinə göndərilib.

 

Manset.az “Qafqazinfo”-ya istinadən xəbər verir ki, cinayətin ağırlığına görə cəmiyyətdə geniş müzakirə mövzusuna çevrilən iş hakim Səbinə Məmmədzadənin sədrliyi ilə araşdırılacaq.

Səbinə Məmmədzadə iki il əvvəl hakim təyin edilib. Xanım hakim fəaliyyəti ərzində ictimaiyyətin diqqət mərkəzində olan bir neçə cinayət işi üzrə hökm çıxarıb.

Qeyd edək ki, 25 yaşlı Əhməd Əhmədov valideynlərini, 9 yaşlı qardaşını, bacısını və onun azyaşlı qızını xüsusi amansızlıqla öldürməkdə ittiham olunur. Ekspert rəyləri ilə onun hadisə törədərkən anlaqsız vəziyyətdə olduğu təsdiq edilib.



Xəbər xətti

13 İyul 2024

Ən son xəbərləri səhifəmizdən də izləyin