Rusiya dövlət telekanalında ilk dəfə Türk serialı

08:59 - 24 İyun 2024

Rusiya dövlət telekanalında ilk dəfə Türk serialı

"Rossiya" telekanalında "Bahar" adlı Türkiyə serialı yayımlanacaq.

 

Manset.az xəbər verir ki, bu barədə telekanalın və "Smotrim" media platformasının xarici kommunikasiyalar xidmətinin rəhbəri İqor Potapov məlumat verib.

Onun sözlərinə görə, bu, telekanal üçün cəsarətli bir addımdır və serial Türkiyədə istehsal edilən müxtəlif üslublu ekran işləri arasında "Rossiya"nın izləyiciləri üçün ən uyğun olanıdır.

Potapov qeyd edib ki, serial bir vaxtlar ailəsi naminə həkimlik karyerasını yarımçıq qoyan, lakin müəyyən hadisələr nəticəsində ilkin peşəsinə qayıtmağa qərar verən evdar qadının hekayəsindən bəhs edir.

"Burada dram və komediya elementləri var. Ümumiyyətlə, hər şey həyatda olduğu kimidir", deyə o bildirib.


Xəbər xətti

13 İyul 2024

Ən son xəbərləri səhifəmizdən də izləyin