Mədəni və yaradıcı sənayelərin təşviqi üzrə qrant müsabiqəsi ilə bağlı infosessiya keçiriləcək

16:03 - 8 İyul 2024

Mədəni və yaradıcı sənayelərin təşviqi üzrə qrant müsabiqəsi ilə bağlı infosessiya keçiriləcək

Mədəniyyət Nazirliyi tərəfindən qeyri-hökumət təşkilatları üçün mədəni və yaradıcı sənayelərin təşviqi üzrə elan olunmuş qrant müsabiqəsi ilə bağlı açıq infosessiya keçiriləcək.

 

Nazirlikdən Manset.az-a bildirilib ki, infosessiya iyulun 10-da saat 16:00-da Mədəni və Yaradıcı Sənayelərin İnkişaf Mərkəzində təşkil olunacaq.

İnfosessiya çərçivəsində nazirlik nümayəndələri və Müsabiqə komissiyasının üzvləri tərəfindən iştirak şərtləri, prioritet istiqamətlər və alt mövzular, layihə təklifi ilə bağlı tələblər barədə ətraflı məlumat veriləcək. Tədbirdə müsabiqə ilə maraqlanan qeyri-hökumət təşkilatlarının nümayəndələri iştirak edə bilərlər.

Qeyd edək ki, Mədəniyyət Nazirliyi tərəfindən iyulun 4-də qeyri-hökumət təşkilatları üçün mədəni və yaradıcı sənayelərin təşviqi üzrə qrant müsabiqəsi elan olunub. Müsabiqəyə müraciət üçün son tarix avqustun 2-sidir.

Sənədlərin qəbulu grants.culture.az internet resursu üzərindən elektron formada həyata keçirilir.


Xəbər xətti

13 İyul 2024

Ən son xəbərləri səhifəmizdən də izləyin