Müdafiə Nazirliyinin yüksək vəzifəli şəxsi HƏBS OLUNDU

11:18 - 30 İyul 2024

Müdafiə Nazirliyinin yüksək vəzifəli şəxsi HƏBS OLUNDU

Müdafiə Nazirliyinin Mənzil-İstismar İdarəsinin Əsaslı və Cari Təmir Bölməsinin müdiri Rəhim Laçınov həbs olunub.

 

Manset.az xəbər verir ki, Azərbaycan Respublikası Hərbi Prokurorluğunun İstintaq idarəsində istintaq olunan cinayət işi üzrə müvafiq əməlləri törətməsinə əsaslı şübhələr olan Laçınov Rəhim Mirzə oğluna Azərbaycan Respublikası Cinayət Məcəlləsinin 179.4-cü və 32.5, 341.2.3-cü maddələri ilə ittiham elan edilmiş və Azərbaycan Respublikası Hərbi Prokurorluğunun təqdimatına əsasən, Bakı hərbi məhkəməsinin qərarı ilə barəsində həbs qətimkan tədbiri seçilib.

Bu barədə Manset.az-a hərbi prokurorun böyük köməkçisi Hərbi Prokurorluğun Mətbuat xidmətinin rəhbəri, baş ədliyyə müşaviri Firad Əliyev bildirib.

Hazırda istintaq davam etdirilir və qanunvericiliyin tələblərinə uyğun olaraq bütün tədbirlərin görülməsi, o cümlədən hər bir fakta və əmələ hüquqi qiymət verilməsi təmin ediləcək.

Qeyd edək ki, Rəhim Laçınovun həbsi barədə məlumatı ilk olaraq "Bizim.Media" yayıb.

Fotoda Rəhim Laçınov



Xəbər xətti

11 Sentyabr 2024

Ən son xəbərləri səhifəmizdən də izləyin