Əfqanıstanın Herat vilayətində İrandan deportasiya edilən miqrantları daşıyan avtobus qəzaya uğrayıb.
Manset.az xarici mediaya istinadla xəbər verir ki, hadisə nəticəsində 71 nəfər həlak olub.
Əfqanıstanın mədəniyyət və informasiya direktoru Əhmədullah Müttəki,"X" sosial media platformasında qəza barədə açıqlama verib. O, avtobusun motosiklet və yük maşını ilə toqquşduğunu bildirib.
Qəzanın ardından avtobus alovlanıb və hadisə nəticəsində onlarla insanın həyatını itirdiyi bildirilib. Hələlik rəsmi qurumlardan qəzada həyatını itirənlərin dəqiq sayı ilə bağlı açıqlama verilməyib.
