Ukrayna Prezidenti Volodimir Zelenski Avropa Komissiyasının sədri Ursula fon der Leyen və Avropa İttifaqının xarici işlər və təhlükəsizlik siyasəti üzrə ali nümayəndəsi Cozef Borrell ilə görüşə başlayıb.
Manşet.az xəbər verir ki, bu barədə Ukrayna prezidentinin saytında məlumat verilib.
Hazırda dar çərçivədə danışıqlar gedir, bundan sonra Zelenski və Aİ nümayəndələri Ukrayna və xarici KİV üçün açıqlamalar verəcək və jurnalistlərin suallarını cavablandıracaqlar.
Qeyd edək ki, Avropa Komissiyasının sədri cümə günü, aprelin 8-nə keçən gecə Ukrayna ilə sərhəddən təxminən 13 kilometr aralıda yerləşən Polşanın Przemışl şəhərindən Kiyevə gedib.
