Rusiyanın müdafiə naziri, ordu generalı Sergey Şoyqu Ukrayna qoşunları üçün silah-sursat gətirən NATO nəqliyyat vasitələrinin məhv ediləcəyini bəyan edib.
Manset.az xəbər verir ki, Rusiyanın müdafiə nazirinin sözlərinə görə, ABŞ və onun NATO-dakı müttəfiqləri Ukraynanı silahlandırmaqda davam edir.
“Qeyd edirəm ki, Şimali Atlantika Alyansının Ukrayna Silahlı Qüvvələrinin ehtiyacları üçün ölkə ərazisinə silah və ya materialla gələn istənilən nəqliyyat vasitəsi bizim tərəfimizdən məhv etmək üçün qanuni hədəf hesab olunur”, - S.Şoyqu vurğulayıb.
