Bakı Avrasiya Universiteti təhsil və elm sferasında dünyada əldə edilən və sınaqdan uğurla keçərək real şəkildə tətbiq edilən yeniliklərdən bəhrələnmək üçün beynəlxalq əlaqələrini genişləndirir.
Manset.az xəbər verir ki, “Erasmus+”, “Mövlanə” və s. kimi beynəlxalq təcrübənin bölüşülməsi, peşəkarlığın artırılması, tələbə və müəllim mübadiləsi, birgə elmi tədqiqatların aparılması layihələri ilə yanaşı universitet ikili əlaqələrə də xüsusi diqqət yetirir.
BAAU dünən bu istiqamətdə daha bir innovativ təşəbbüsü gerçəkləşdirib, Türkiyənin beş universiteti ilə əməkdaşlığa dair müqavilə imzalayıb. Əməkdaşlıq protokollarını BAAU-nun rektoru, professor Nazim Hüseynli, Türkiyənin Kayseri Üniversitetinin rektoru, prof.,dr Kurtuluş Karamustafa, Kastamonu Üniversitetinin rektoru, prof.,dr. Ahmet Hamdi Topal, Amasya Üniversitetinin rektoru, prof.,dr. Süleyman Elmacı, Bandırma Onyedi Eylül Üniversitetinin rektoru, prof.,dr. Süleyman Özdemir və Sakarya Uygulamalı Bilimler Üniversitetinin rektoru, prof.,dr. Mehmet Sarıbıyık imzalayıblar.
İmzalanan müqavilələrdə universitetlər arasında təhsil, elm sahəsində birgə çalışmalar, müəllim və tələbə mübadiləsi ilə bağlı müddəlar yer alır.
Əməkdaşlıqla bağlı açıqlama verən rektorlar imzalanan sənədlərin tezliklə praktiki olaraq həyata keçirilməsi istiqamətində işlərə başlayacaqlarını və onun kağız üzərində qalmayacağıan ümid etdiklərini bildiriblər.
