"Qərb ölkələri Ukraynada uzunmüddətli müharibəyə hazırdır və nə qədər lazımdırsa, Kiyevi dəstəkləyəcək".
Manset.az "Bloomberg"ə istinadən xəbər verir ki, bunu Kanadanın Baş naziri Castin Trüdo deyib.
Onun sözlərinə görə, Qərb ölkələri başa düşürdülər ki, Ukrayna Silahlı Qüvvələrinin əks-hücum əməliyyatı gecikdirilə bilər. Lakin bu, Kiyevə dəstəyin davam etdirilməsi baxımından problem deyil.
"G7 və NATO-da apardığımız danışıqlara əsasən, biz uzunmüddətli müharibəyə hazırıq. Çünki Rusiyanın qalib gəlməsinə imkan verə bilmərik və etməməliyik", - Trüdo vurğulayıb.
