İran Xarici İşlər Nazirliyinin sözçüsü İsmayıl Bekayi ABŞ-la danışıqlarda müvəqqəti razılaşmanın gündəmdə olmadığını açıqlayıb.
Manset.az-ın əldə etdiyi məlumata görə, o, İranın nüvə proqramının dinc məqsədli olduğunu və uranın zənginləşdirilməsi fəaliyyətlərinin dayandırılmayacağını bildirib.
Bekayi, beynəlxalq mediada yayılan uranın zənginləşdirilməsinin 3 il dayandırılması xəbərlərini təkzib edib. İraqdakı iranlı məhbusun İsrailli ilə dəyişdiriləcəyi iddialarını isə təsdiqləməyib.
Beynəlxalq təzyiqlərə baxmayaraq, İran regional nüvə konsorsiumu təklifini müzakirə etsə də, uranın zənginləşdirilməsinə alternativ görmür. ABŞ və İran arasında Oman vasitəsilə davam edən danışıqlarda "qırmızı xətlər" qorunur.
İsrailin Qəzzaya qarşı hərbi əməliyyatlarını sərt tənqid edən Bekayi, beynəlxalq ictimaiyyəti fəal addımlar atmağa çağırıb. Avropa ölkələrinin İran-ABŞ danışıqlarına konstruktiv yanaşması gözlənilir.
"Səfər xəbərlərinə gəlincə, prezident Məsud Pezeşkianın Omana planlaşdırılmış səfərinin danışıqlarla əlaqəsi yoxdur".
