Suriyanın qərbində Dəməşq əyalətində yerləşən Beyt Cin kəndində İsrail pilotsuz təyyarəsinin avtomobili vurması nəticəsində bir nəfər həlak olub.
Manset.az xəbər verir ki, bu barədə “Əl-Cəzirə” telekanalı Ərəb Respublikasının təhlükəsizlik güclərindəki mənbəyə istinadən məlumat yayıb.
Telekanalın mənbəsinin məlumatına görə, hücum Livanla sərhəddə yerləşən Beyt Cin şəhərində avtomobilə dəyib.
Daha əvvəl İDF-in mətbuat xidməti məlumat verib ki, zərbə Suriyanın cənubundakı Məzrət Beyt Cin yaşayış məntəqəsinə endirilib. İsrail tərəfinin məlumatına görə, Fələstinin HƏMAS hərəkatının nümayəndəsi ərazidə olub.
