Banqladeşin müvəqqəti hökuməti, COVID-19 infeksiyasının artması fonunda vətəndaşlara zəruri olmadıqca qonşu ölkələrə səyahət etməməklə bağlı xəbərdarlıq edib.
Manset.az xəbər verir ki, bu barədə "Xinhua" agentliyi məlumat yayıb.
Banqladeş Səhiyyə Nazirliyinin Səhiyyə Xidmətləri Baş İdarəsi (DGHS) məsələ ilə bağlı yazılı açıqlama yayıb.
Açıqlamada qeyd olunub ki, bəzi qonşu ölkələrdə koronavirusun yeni alt variantları yayılmağa başlayıb. Bu səbəbdən ölkənin beynəlxalq quru, dəniz və hava sərhəd-keçid məntəqələrində tibbi müayinələr və nəzarət tədbirləri gücləndiriləcək.
