Böyük Britaniya və Hollandiyanın döyüş hava imkanlarını təmin etmək üçün təlimdən tutmuş F-16 təyyarələrinin tədarükünə qədər hər şeydə Ukraynaya dəstək verəcək “beynəlxalq koalisiya”nın yaradılması üzərində çalışacaqları bildirilir.
Manset.az-ın xarici mediaya istinadən məlumatına görə, Böyük Britaniyanın baş naziri Rişi Sunak və Hollandiyanın baş naziri Mark Rutte İslandiyanın paytaxtı Reykyavikdə keçirilən Avropa Şurasının IV Zirvə Toplantısı çərçivəsində görüşüblər.
Görüş zamanı liderlər Rusiya-Ukrayna müharibəsini müzakirə ediblər.
"Sunak və Rutte döyüş hava imkanlarını təmin etmək üçün təlimdən tutmuş F-16 təyyarələrinin tədarükünə qədər Ukraynaya dəstək verəcək beynəlxalq koalisiya yaratmaq üçün çalışacaqları barədə razılığa gəliblər. Sunak Ukraynanın NATO-da öz layiqli yerini tutduğuna inandığını təkrarladı və liderlər gələcək hücumların qarşısını almaq üçün müttəfiqlərin Ukraynaya uzunmüddətli təhlükəsizlik yardımı göstərməsinin vacibliyi barədə razılığa gəldilər”.
Manşet.az
