Fransa millisinin sabiq müdafiəçisi 35 yaşlı Blez Matyuidi futboldan getdiyini açıqlayıb.
Manset.az xəbər verir ki, bu barədə o, sosial şəbəkədə yazıb.
“Futbol, mən səni çox sevirdim. Futbol, mənə çox şey verdin, amma dayan deməyin vaxtı gəldi. Uşaqlıq arzularımı həyata keçirdim. Bu gün səsimdə titrəyişlə, amma qürurla bu səhifəni çevirirəm”, -deyə futbolçu yazıb.
Qeyd edək ki, ümumilikdə millidə 84 oyun keçirən və 9 qol vuran Matyuidinin son komandası “İnter Mayami” idi.
O, Fransa yığması ilə 2018-ci ildə Rusiyada keçirilmiş dünya çempionatının qalibi olub.
