“Los Anceles Klippers”in basketbolçusu Kavi Leonard ilə imzaladığı yeni müqavilənin detalları məlum olub.
Manset.az xəbər verir ki, klubu ulduzu ilə müddəti 2026-2027-ci illər mövsümünün sonuna kimi olan sözləşmə imzalaya bilib. Müqavilə 152,4 milyon dollar dəyərindədir.
Kavi Leonardın 32 yaşı var. Amerikalı 2011 NBA draftında “İndiana Peysers” tərəfindən seçilib. Elə həmin il 2018-ci ilə qədər oynadığı “San Antonio Spörs”ə keçib. 2018-2019-cu illərdə “Toronto Reptors”da oynadıqdan sonra “Los Anceles Klippers”ə transfer olunub.
