Ermənistan bu gün Xeyrımlıda minaları zərərsizləşdirəcək

Bu gün Tavuş vilayətinin Kirants (Xeyrımlı) kəndinin yaxınlığında minalar partlayış yolu ilə zərərsizləşdiriləcək.

 

Manset.az "Qafqazinfo”ya istinadən xəbər verir ki, bu barədə məlumatı Ermənistan Müdafiə Nazirliyi yayıb. 

Bildirilir ki, partlayış yaşayış məntəqəsindən 1800 metr şimalda həyata keçiriləcək. 

Xatırladaq ki, bir neçə gündür Kirants istiqamətində Azərbaycanla sərhədin delimitasiya və demarkasiyası ilə bağlı işlər görülür.