Albalı şirəsi bir çox ölümcül tibbi problemlərə səbəb olan xolesterini aşağı salmaqla ürək-damar sisteminin sağlamlığının qorunmasında mükəmməl vasitədir.
Manset.az-ın xarici mediaya istinadən məlumatına görə, gündə iki stəkan albalı şirəsi içmək infarkt və insult riskini xeyli azalda bilər.
Albalı şirəsi polifenollar kimi sağlam bitki birləşmələri ilə zəngindir. Bu birləşmələr ürək-damar sağlamlığı üçün qoruyucu xüsusiyyətlər göstərir. Delaver Universitetinin tədqiqatçıları müəyyən ediblər ki, şirə iltihabı, oksidləşdirici stressi və pis xolesterin kimi tanınan LDL-ni 11% azaldır.
Həmçinin yuxu keyfiyyətini yaxşılaşdırmaq potensialına malikdir. Onun müntəzəm istifadəsi ümumi sağlamlığı yaxşılaşdırsa da, ən çox ürək-damar sağlamlığı üçün xüsusilə tövsiyə olunur.
