Azər Qasımovdan yarım milyonluq borc məsələsinə AÇIQLAMA

Xəbər verdiyimiz kimi, bu ilin fevralında Azərbaycan Respublikası Prezidentinin Mətbuat katibi Azər Qasımov vəzifəsindən azad edilib.


Manset.az Demokrat.az-a istinadən xəbər verir ki, Azər Qasımov vəzifəsini itirdikdən sonra KİV-də onunla bağlı müxtəlif məlumatlar yayımlanmağa başlanıb. 

Bildirilir ki, onun Rusiyanın Yekaterinburq şəhərində baş konsul olaraq çalışan qardaşı Sultan Qasımov bir sıra xoşagəlməz problemlərlə üz-üzə qalıb. 

Sultan Qasımovun müxtəlif şəxslərə borcunun yarım milyonu ötdüyü, Azər Qasımovun onu həmin şəxslərdən müdafiə etdiyi qeyd edilirdi. 

Yayılan iddialarla bağlı Azər Qasımovun özü ilə əlaqə saxlanılıb. Azər Qasımov zəngə cavab versə də, jurnalistlə danışmaq istəməyib və qısa şəkildə "Vaxtım yoxdur" cavabını verərək münasibət bildirməkdən imtina edib.