Cəlilabad Rayon Mərkəzi Xəstəxanasının direktoru Namiq Həsənov işdən azad olunub.
Manset.az Oxu.az-a istinadən xəbər verir ki, direktor vəzifəsi müvəqqəti olaraq Tərlan Balışova həvalə olunub.
T.Balışov bu vəzifəyə qədər rayon xəstəxanasında İnfeksion şöbənin müdiri kimi çalışıb.
Qeyd edək ki, N.Həsənov bu vəzifəyə ötən ilin fevral ayında təyinat almışdı. Onun işdən çıxarılması ilə bağlı TƏBİB-dən bildirilib ki, Cəlilabad Rayon Mərkəzi Xəstəxanası publik hüquqi şəxsin direktoru Namiq Həsənov 1 iyul 2025-ci il tarixindən tutduğu vəzifədən azad olunub.
