Əslində, bu yeməyi soyuducuda saxlamaq üçün müəyyən bir müddət var.
Manset.az Lent.az-a istinadla xəbər verir ki, bu müddət bitdikdən sonra supu yemək olmaz, çünki sağlamlığa zərər verə bilər. Gəlin baxaq, şorbanı soyuducuda nə qədər saxlamaq olar, nə zaman yemək olmaz və nə vaxt onu atmaq lazımdır.
Şorbanı soyuducuda nə qədər saxlamaq olar?
Orta hesabla bişmiş şorba soyuducuda +2…+5°C temperaturda 4 günə qədər saxlamaq olar. Bu müddətdən sonra onu ya yemək, ya da atmaq lazımdır – hətta xarab olduğuna dair görünən əlamətlər olmasa belə.
Niyə şorba soyuqda da xarab olur?
Bakteriyalar aşağı temperaturda da sağ qala bilirlər. Əgər şorba uzun müddət ocağın üstündə qalırsa, yavaş soyuyursa və üzəri örtülməyibsə, bu, mikroorqanizmlərin çoxalması üçün ideal şərait yaradır. Hətta şorbanı yenidən qaynatmaq belə, onun təhlükəsiz olduğunu tam zəmanətlə təmin etmir.
Şorbanı təhlükəsiz saxlamaq qaydaları
Tez soyudun: şorbanı ocaqda 2 saatdan artıq saxlamayın. Başqa qaba töküb soyuducuya yerləşdirin. Qapaqla və ya qida plyonkası ilə örtün – bu, mikrobların və yad qoxuların düşməsinin qarşısını alır. Düzgün şəkildə qızdırın: xüsusilə bir neçə gün saxlanmış supu yeməzdən əvvəl mütləq qaynadın.
Yenidən dondurmayın: əgər şorbanı bir dəfə buzluqdan çıxarmısınızsa, onu yemək lazımdır – ikinci dəfə dondurmaq olmaz. Əgər anlayırsınız ki, 4 gün ərzindəşorbanı yeyə bilməyəcəksiniz, onu dondurun. Buzluqda -18°C temperaturda şorbanı 3 aya qədər saxlamaq olar bu müddət ərzində dad və keyfiyyət itmir.
