Antalya Belek Universitetinin tələbələri bu il 7-ci Beynəlxalq Qastronomiya və Mətbəx Ulduzları Festivalı (GastroAntalya) çərçivəsində əldə etdikləri uğurlarla universitetlərini qürurlandırıb.
Manset.az xəbər verir ki, Türkiyə ilə yanaşı, dünyanın müxtəlif ölkələrindən çox sayda aşpaz və qastronomiya tələbəsinin qatıldığı beynəlxalq tədbirdə Antalya Belek Universitetinin tələbələri ümumilikdə 6 gümüş medal qazanaraq mühüm uğura imza atıblar.
29 oktyabr - 1 noyabr tarixləri arasında Antalyada, Konyaaltı Bələdiyyəsinin Ana Xidmət Binası qarşısında keçirilən GastroAntalya təxminən 3 min yerli və xarici iştirakçını bir araya gətirib. Qastronomiya sahəsində istedadların və peşə bacarıqlarının nümayiş etdirildiyi festivalda Antalya Belek Universitetinin tələbələri çıxışları ilə münsiflər heyətinin diqqətini cəlb edib.
Yarışma çərçivəsində təşkil olunan Universitet səviyyəsində "Tələbələrin əsas yemək yarışması" çərçivəsində mübarizə aparan Antalya Belek Universitetinin tələbələrindən 3-ü gümüş medal qazanıb, "İlin Ən Yaxşı Universitet Komandası" yarışması çərçivəsində isə universitet komandası 3 gümüş medal əldə edib. Beləliklə, iki fərqli kateqoriyada ümumilikdə 6 gümüş medal qazanan Antalya Belek Universitetinin tələbələri həm fərdi istedadlarını, həm də komanda işindəki uğurlarını beynəlxalq arenada nümayiş etdiriblər. Antalya Belek Universiteti tələbələrinin milli və beynəlxalq tədbirlərdə əldə etdiyi uğurlarla tətbiqi təhsil yanaşmasının və peşəkar inkişafa verdiyi önəmin nəticələrini ortaya qoymağa davam edir. GastroAntalyada qazanılan 6 gümüş medal universitetin qastronomiya sahəsindəki təhsil fəaliyyətinin və tələbələrinin peşəkar səriştəsinin mühüm göstəricisi olub.
