Yer səthində indiyə qədər aşkarlanmış ən böyük Mars mənşəli meteorit hərraca çıxarılacaq.
Manset.az xarici mediaya istinadən xəbər verir ki, təqribən 25 kiloqram çəkisi olan bu nadir göy cismi mütəxəssislər tərəfindən 4 milyon dollar dəyərində qiymətləndirilir.
Meteorit iki il əvvəl Afrikanın Niger Respublikasının ucqar ərazilərindən birində tapılıb. Alimlər bu tapıntıya "NWA 16788" adını veriblər.
Görünüşcə adi qaya parçasını xatırlatsa da, bu meteorit Marsdan Yerə düşmüş ən böyük nümunə kimi elmi dairələrdə böyük maraq doğurur.
